Тен Хаг МЮ мухлислари учун нохуш хабарни айтди

Маркус Рэшфорд бугун АПЛнинг 37-туридан ўрин олган "Борнмут"га қарши ўйин майдонга тушмаслиги мумкин. Бу ҳақда “Манчестер Юнайтед” бош мураббийи Эрик тен Хаг малум қилди.

“Рэшфорд бутун ҳафта давомида яхши машғулот ўтказди, лекин бугун (жума) у касал эканлигини айтди”, - деди нидерландиялик мутахассис.

Аввалроқ, оёғидаги жароҳат туфайли англиялик ҳужумчи АПЛ доирасидаги "Вулверхэмптон"га қарши ўйинни (2:0) ҳам ўтказиб юборганди.

Маълумот учун, Маркус Рэшфорд жорий мавсум "Манчестер Юнайтед" сафида АПЛ да 33 ўйинда 16 та гол урган ва айни дамда жамоасининг мавсумдаги энг яхши тўпурари бўлиб турибди.