Тен Хаг: МЮ сифатида биз хурсанд эмасмиз

Эрик тен Хаг, "Манчестер Юнайтед" Премьер-лига жадвалидаги ҳозирги ўрнидан қониқиш ҳосил қилмаяпти. 

"Албатта, биз лигадаги 6-ўриндан кўнглимиз тўлмаяпти. МЮ сифатида биз бундан хурсанд эмасмиз ва ҳаммасини ўзгартиришимиз керак. 

Январь ойидан буён ижобий натижалар кузатилди. Биз жуда яхши ўйинлар ўтказдик ва жамоа сифатида ўсдик. Бироқ ҳамон мукаммал эмасмиз", - деди манкуниаликлар устози. 

Қайд этиш лозим, "қизил иблислар" 26-тур доирасида "Фулхэм"га мағлуб бўлди.