Тен Хаг: "Плей-офф босқичида "Барса"ни турнирдан чиқариб юбориш - катта воқелик"

Европа лигаси 1/16 финал босқичидан ўрин олган "Манчестер Юнайтед" - "Барселона" учрашувида майдон эгалари 2:1 ҳисобида зафар қучди.

Ўйиндан кейинги матбуот анжуманида МЮ бош мураббийи Эрик тен Хаг қуйидаги фикрларни билдириб ўтди.

"Айни пайтда Европанинг энг яхши жамоаларидан бири ҳисобланган "Барселона"ни мағлуб этсангиз, ўзингизга бўлган ишонч ортади ва энди сиз учун енгилмас рақиб қолмаганини ҳис этасиз.

"Барселона" Ла Лигада "Реал"ни 8 очкога ортда қолдирмоқда. Суперкубокда ҳам каталонияликларнинг қўли баланд келганди. Биз мана шундай кучли клубни мағлуб этдик".

- Бу "Манчестер Юнайтед"даги энг яхши ғалабангизми?

"Менимча, ҳа. Биз аввал "Ливерпуль", "Арсенал" каби жамоаларни мағлуб этганмиз. Улар лига доирасида эди, аммо плей-офф босқичида "Барса"ни турнирдан чиқариб юбориш - катта воқелик.

Бизда кучли характерга эга бир нечта футболчи бор. Улар ғалаба қозонишга одатланган. Барчамиз жамоага ишонамиз ва унинг манфаати учун курашамиз",-деди нидерландиялик мутахассис.