Тер Штеген операциядан сўнг "Барселона" шифокорларини уйига киритишдан бош тортди

Германиялик дарвозабон Марк-Андре тер Штеген яқинда орқа томонидаги жароҳати учун операция ўтказган эди. У шу билан бирга, Ла Лига комиссиясига топширилиши керак бўлган тиббий хулосага имзо қўйишдан ҳам бош тортган. Агар у ҳужжатни имзолаганда, клуб янги футболчини расман рўйхатдан ўтказиши мумкин эди. Бу вазиятдан сўнг тер Штеген сардорлик боғичидан ҳам маҳрум қилинди.

"Diario Sport" нашрининг ёзишича, операциядан кейинги ҳолатни назорат қилиш учун "Барселона" клуби шифокорлари унинг уйига боришни режалаштирган. Бироқ, тер Штеген уларни уйига киритишдан қатъий бош тортган ва кейинчалик ўз ихтиёри билан клуб базасига бориб, тиббий кўрикдан ўтган.

Шунингдек, манбага кўра, тер Штеген яқин кунларда клуб раҳбарияти билан учрашувни режалаштирмаяпти.