Терма жамоа ўйинчисининг юраги тўхтаб қолди

Миср терма жамоаси футболчиси Аҳмад Рефаат бир ўлимдан қолди. 

“Фьючерс” клуби ўйинчисининг ўйин вақтида юраги тўхтаб қолди. Бу воқеа Миср чемпионати доирасида “Ал-Иттиҳод”га қарши учрашувда рўй берди.

Беллашувнинг 89-дақиқасида Аҳмад Рефаат ҳушини йўқотиб, майдонга қулаган. 30 ёшли футболчи дарров шифохонага олиб кетилди.

Маълумотларга қараганда, унинг юраги бир соат давомида тўхтаб қолган. Шифокорларнинг хатти-ҳаракатлари билан юраги яна ура бошлади.

Рефаатнинг ўзи реанимацияга олинди.