Терма жамоа йиғинига чақирилган икки футболчи клуб машғулотларига бормайди

Миллий терма жамоага чақирилган Анвар Ҳожимирзаев ва Жаҳонгир Ўрозов "Динамо"нинг Абу-Дабидаги йиғинида иштирок эта олмайди. 

"Динамо" жамоаси 15 январдан Абу-Дабида ўқув-машғулот йиғинини бошлади.

15-29 январ кунлари БААда ўтадиган йиғинда жамоа ҳужумчиси Ҳожимирзаев ва ҳимоячи Ўрозов иштирок эта олмайди. 

Аввал хабар қилинганидек, ҳар икки футболчи Сречко Катанец томонидан Ўзбекистон миллий жамоасининг Қатардаги йиғинига жалб этилган. Мазкур ўқув-машғулот йиғини 20 январда старт олади. Мамлакатимизнинг бош жамоаси 28 январь куни Доҳада Иорданияга қарши ўртоқлик ўйинида майдонга тушади.