Тейшейра миллий терма жамоада ўйнаш учун Хитой фуқаролигини олади

"Шахтёр" клубининг собиқ футболчиси Алекс Тейшейра тез орада Хитой фуқаролигини олади ва терма жамоа учун ўйнайди. Легионерларни маҳаллийлаштириш Марчелло Липпининг янги шартномасидаги асосий вазифалардан бири этиб белгиланган.

Алекс Тейшейра Осиёдаги фаолиятигача "Васко да Гама" ва "Шахтёр" учун ўйнаган. 2016 йилда у Хитойга 50 миллион еврога сотилган.

Лондоннинг "Арсенал" клуби тарбияланувчиси Нико Эннарис аллақачон Хитой фуқаролигини олди. Липпи аллақачон собиқ инглизни Хитой терма жамоасининг лагерига Филиппин (7 июнь) ва Тожикистон (11 июнь) жамоаларига қарши учрашувларга чақирди.