Тезкор! Мбаппе биринчи душманини ПСЖдан ҳайдатди

ПСЖ раҳбарияти клуб спорт директори Леонардони истеъфога чиқарди, деб хабар бермоқда нуфузли L'Equipe нашри.

Бразилиялик мутахассис 2019 йилдан бери пойтахт клубида ишлаб келаётган эди.Унинг ПСЖ учун қилган экан катта иши Неймарни жамоада қолишга кўндиргани бўлган. Бироқ, Мауро Икарди учун 65 миллион евро сарфлангани ва жамоага керак бўлмай қолган Юлиан Дракслер, Лейвен Курзава ва Тило Керрерни сота олмагани унинг камчилиги сифатида эътироф этилади.

Маълумотларга қараганда, ПСЖ билан янги битим тузган Килиан Мбаппенинг талабларидан бири айнан Леонардони клубдан кетказиш бўлган.

Аввалроқ, ПСЖнинг қатарлик хўжайинлари Мбаппега лойиҳа доирасида муҳим қарорлар қабул қилиш ваколатини бергани ҳақида маълумотлар тарқатилганди. Бу ҳақиқатга ўхшаяпти.