Тезкор! “Сити” Ҳусанов қатнашган сўровнома натижасини эълон қилди
Англия чемпионлиги учун курашаётган “Манчестер Сити” клуби матбуот хизмати орқали апрель ойининг энг яхши футболчисини аниқлаш мақсадида махсус сўровнома ташкил этган эди.
Унда апрель ойи давомида энг зўр ўйин кўрсатган уч футболчи – Абдуқодир Ҳусанов, Бернарду Силва ва Нико О’Райли номзодлари кўрсатилди.
Мухлислар берган овозлар натижасига кўра, энг кўп балла тўплаган Нико О’Райли ойнинг энг яхши совринига муносиб кўрилди.
“Сити” академияси тарбияланувчиси бўлган 21 ёшли футболчи учун бу сўнгги уч ой ичидаги иккинчи бундай мукофот бўлди. У февраль ойида ҳам шу совринни қўлга киритган эди.
Бу мукофот О'Райлининг жорий мавсумдаги юқори даражадаги ўйинларининг яна бир эътирофи бўлди.
Апрель ойида у яна бир ажойиб ойни ўтказди. Унинг техникаси, юқори энергияси ва тактик мослашувчанлиги Пеп Гвардиола жамоасининг Премьер-лига ҳамда Англия кубогидаги барча бешта ўйинда ғалаба қозонишида муҳим аҳамият касб этди.
Нико шунингдек, муҳим учрашувларда ҳал қилувчи голлар уриш қобилиятини яна бир бор намоён қилди. У чемпионат доирасида “Челси”га қарши сафардаги 3:0 ҳисобидаги ғалабада бош билан ҳал қилувчи голни киритди.
Таъкидлаш жоизки, бу мавсумда ойнинг энг яхши футболчисига атални икки мартадан қўлга киритиш фақат икки ўйинчига насиб қилган. Бу ишни биринчи бўлиб Абдуқодир Ҳусанов уддалаган эди.
22 ёшли марказий ҳимоячи январь ва март ойларида “Манчестер Сити”нинг энг зўр футболчиси сифатида икки марта индивидуал соврин билан тақдирланган эди.
Иккинчи бўлиб бу даражани Нико О’Райли уддалади.
Умуман олганда, мавсум бошланганидан бери жамоада ойнинг энг яхши ўйинчилари соврини эгалари қуйидагича кўриниш олган.
Август: Тижани Рейндерс
Сентябрь: Жереми Доку
Октябрь: Эрлинг Холанд
Ноябрь: Фил Фоден
Декабрь: Райан Шерки
Январь: Абдуқодир Ҳусанов
Февраль: Нико О’Райли
Март: Абдуқодир Ҳусанов
Апрель: Нико О’Райли
Ўрнимга Ҳусанов ўйнайверсин!
Ҳусановга ҳатто Хаверц ҳам овоз беради!
Шацких: Ҳусановни бу футболчи билан солиштирманг!
У мени ютади! Машҳур ҳужумчи Ҳусановнинг зўрлигини тан олди
Фикрлар