Тоби Алдервейрелд ЕЧЛда ғолиб чиқиш ҳақида: Нега энди йўқ?

Лондоннинг “Тоттенхэм” клуби ҳимоячиси Тоби Алдервейрелд бугун “Ливерпул”га қарши бўлиб ўтадиган Чемпионлар лигаси финал баҳси олдидан ўз фикрларини билдириб ўтди.

“Нега энди йўқ? Биз бунга ишонишимиз керак. Биз жуда қийин гуруҳдан жой олгандик. Биз ўшанда ўз чемпионатида пешқадамлик қилаётган Дортмундга сафар қилдик ва ғалаба қозондик.

“Сити” ҳам чемпионатда пешқадам эди ва у ҳам бизга ютқазди. “Аякс” ҳам биринчи эди ва биздан мағлуб бўлди. Шундай экан нега энди чемпион бўла олмаслигимиз керак?”, - дейди бельгиялик футболчи.

Эслатиб ўтамиз, “Тоттенхэм” ва “Ливерпуль” ўртасидаги финал баҳси бугун Тошкент вақти билан соат 00:00да бошланади.