Тожикистон Малайзиядаги турнирда 3-ўринни эгаллади

Олдин хабар бериб ўтганимиздек, Тожикистон терма жамоаси Малайзияда “Merdeka Cup-2024” халқаро мини мусобақасида иштирок этмоқда.

Бугун Тожикистон терма жамоаси учинчи ўрин учун учрашувда Филиппинга қарши майдонга тушди. Ушбу беллашувда “Андижон” ҳужумчиси Шахром Самиев, “Нефтчи” аъзоси Манучехр Сафаров ва “Металлург” вакили Далер Шарипов асосий таркибда майдонга тушишди ва ўйинни тўлиқ ўтказдилар.

Беллашувда ҳисоб очилмади. Ғолиб пенальтилар сериясида аниқланди ва унда Тожикистон 4:3 ҳисобида ғалаба қозониб, мусобақанинг 3-ўрнини қўлга киритди.

Филиппин –Тожикистон – 0:0. Пен. бўй; – 3:4

Тожикистан: Олег Баклов, Ахтам Назаров, Мехрубон Каримов, Фахриддин Ахтамов (Баракатулло Нигматуллозода, 46), Манучехр Сафаров, Алишер Шукуров, Парвизжон Умарбоев, Фатхулло Олимзода (Салохиддин Эргашев, 57), Нуриддин Хамрокулов, Далер Шарипов, Шахром Самиев.