Тожикистон терма жамоасининг таркиби маълум. Уларнинг орасида Суперлигамиздаги легионерлардан кимлар бор?

Хабарингиз бор, 25 март куни Наманганда Ўзбекистон, Тожикистон, Қирғизистон ва Уганда миллий терма жамоалари иштирокида “Navruz Cup” мусобақаси ўтказилади.  

Айни пайтда Тожикистон терма жамоаси ҳам мазкур турнир учун тайёргарлик режасини ишлаб чиққан. Бош мураббий Петр Сегрт таркибга 25 нафар футболчини жалб қилди. Уларнинг орасида Ўзбекистон Суперлигасида тўп сураётган легионерлар ҳам бор.

Жумладан, “Навбаҳор”дан Эхсони Паншанбе, АГМКдан Алишер Жалилов, “Бунёдкор”дан Даврон Эргашев ва “Сурхон” жамоасидан Зоир Жўрабоев ҳам таркибга киритилган.