Токио-2020. Битта бронза билан бугунги кунимизни якунладик

Бугун 4 нафар ўзбекистонлик спортчи Токио-2020 ёзги Олимпия ўйинларида иштирок этди. 

Дзюдо бўйича  эркаклар ўртасида -90 кг вазн тоифасида қатнашган Давлат Бобонов катта қийинчилик билан бронза медалини қўлга киритган бўлса, аёллар ўртасида -70 кг вазн тоифасида Гулноза Матниёзова 1/8 финалда мағлуб бўлди.

Афсуски, боксчиларимиз ҳам бугун мухлисларни хушнуд қила олишмади. Дастлаб -57 кг вазн тоифасида Миразиз Мирзахалилов, сўнгра Дилшод Рўзметов мағлубиятга учради.

Қуйида воқеаларнинг матнли трансляцияси билан танишиб олишингиз мумкин:

16:43. Бокс. Афсус, -81 кг вазн тоифасида рингга кўтарилган ҳамюртимиз Дилшод Рўзметов Озарбайжон вакили Лорен Альфонсо Домингесга мағлуб бўлди.

16:31. Бокс. Эркаклар ўртасида -81 кг вазн тоифасида Дилшод Рўзметов ва озарбайжонлик Лорен Альфонсо Домингес ўртасидаги жанг бошланди.

15:57. Дзюдо. Ҳамюртимиз Давлат Бобонов туркиялик рақибини иппон баҳоси билан мағлубиятга учратди ва бронза медалига сазовор бўлди.

Бобоновга туркиялик Михаэль Жганк рақиблик қиладиган бўлди.

14:04. Дзюдо. Ҳамюртимиз Давлат Бобонов бронза медали учун испаниялик Николоз Шеразадишвилига қарши татамига чиқди. Бобонов ушбу курашда ғалаба қозонди ва бронза медали учун татамига чиқадиган бўлди.

Энди Бобонов бронза медали учун ўтиш беллашувида испаниялик Николоз Шеразадишвилига қарши курашда иштирок этади. Айтиш керакки, Бобоновнинг бу галги рақиби ҳам икки карра жаҳон чемпиони ҳисобланади.

10:31. Дзюдо. Давлат Бобонов 1/4 финалдаги беллашувини ўтказди. Афсуски, ҳамюртимиз бу босқичда грузиялик икки карра жаҳон чемпиони Лаша Бекаурига имкониятни бой берди. Энди Бобонов бронза медали учун ўтиш беллашувида иштирок этади.

09:42. Дюздо. -90 кг вазн тоифасида кураш олиб бораётган дзюдочимиз Давлат Бобонов 1/8 финалда украиналик Кеджо Набалини мағлубиятга учратди ва чорак финалга йўл олди.

Афсус, Миразиз Мирзахалилов ирландиялик боксчига имкониятни бой берди ва мусобақа билан хайрлашди.

08:44. Бокс. Эркаклар 52-57 кг вазн тоифасида ҳамюртимиз Миразизбек Мирзахалилов ирландиялик Курт Уокерга қарши жанг қилмоқда. Афсуски, 1-раунддан сўнг ҳамюртимиз 4:1 ҳисобида мағлубиятга учрамоқда.

08:19. Дзюдо. Афсуски ҳамюртимиз Гулноза Матниёзова 1/8 финал босқичида нидерландиялик Санне ван Дейкега имкониятни бой бериб қўйди ва мусобақа билан хайрлашди.

07:50. Дзюдо. Эркаклар ўртасида -90 кг вазн тоифасида юртимиз шарафини Давлат Бобонов ҳимоя қилмоқда. Ҳамюртимиз 1/16 финал босқичида италиялик Николас Мунгайга қарши баҳс олиб борди ва вазари ҳисобига ғалаба қозонди.

Энди Гулноза 1/8 финалда нидерландиялик Санне ван Дейкега қарши татамига чиқади.

07:00. Дзюдо. Аёллар ўртасида -70 кг вазн тоифасида ҳамюртимиз Гулноза Матниёзова руминиялик Демос Мемнелумни мағлубиятга учратди ва кейинги босқичга йўл олди.

Бугунги баҳсларда иштирок этадиган спортчиларимиз рўйхати:

1.Гулноза Матниязова (дзюдо, аёллар -70 кг) – 07:00

2.Давлат Бобонов (дзюдо, эркаклар -90 кг)

3.Миразизбек Мирзахалилов (бокс, эркаклар 52-57 кг) – 08:36

4.Дилшод Рўзметов (бокс, эркаклар 75-81 кг) – 16:27