"Токио-2020"нинг футбол беллашувларида иштирок этадиган барча терма жамоалар номи маълум бўлди

Гондурас ва Мексика “Токио-2020” ёзги Олимпия ўйинлари футбол беллашувларида иштирок этадиган сўнгги терма жамоаларга айланди.

Бунгача Франция, Германия, Руминия, Испания, Янги Зеландия, Миср, Кот-д'Ивуар, ЖАР, Австралия, Саудия Арабистони, Жанубий Корея, Аргентина ва Бразилия терма жамоалари Олимпиада йўлланмасини қўлга киритган эди. Япония эса мезбон сифатида йўлланмага эга бўлган.

“Токио-2020”нинг футбол мусобақасига қуръа ташлаш маросими 21 апрель куни ФИФА штаб-квартирасида бўлиб ўтади.