Томас Мюллер: "Месси Жаҳон чемпионатида иштирок этса, қизиқ бўлади"

"Ванкувер Уайткэпс" ярим ҳимоячиси Томас Мюллер Аргентина юлдузи Лионель Мессининг 2026 йилги Жаҳон чемпионатида иштирок этиши мумкинлиги ҳақидаги саволга жавоб берди.

"Менимча, у ўша турнирда иштирок этса, қизиқ бўлади. Албатта, бу жамоанинг бутун балансини ўзгартиши мумкин – ёмонга ёки яхшига.

У МЛС финалида тўпни олганда ҳақиқатан ҳам портлаб кетарди, керакли жойларда юрарди ва кўп имкониятлар яратарди", – деди Мюллер "Magenta TV" билан суҳбатда.