Тони Фергюсон Хабиб Нурмагомедовни "ширин" сўзлар билан сийлашда давом этмоқда

Тони Фергюсон Хабиб Нурмагомедовга янги чақириқ билан чиқди.

"18 апрель яқинлашмоқда... Хабиб, Россияда яшириняпсанми? Учиш таъқиқлари ҳам сени таъзирингни беришимга халақит бермайди. Буни узрли сабаб сифатида ишлатманг. Мени қаердан топишни биласан”,- деди Фергюсон.

UFC нинг енгил вазн тоифасидаги чемпиони Хабиб Нурмагомедовнинг отаси Aбдулманап Нурмагомедов аввалроқ, ўғлининг Тони Фергюсон билан жанги AҚШда бўлиб ўтмаслигини айтганди. Жанг 18 апрель куни Бруклинда бўлиб ўтадиган UFC 249 нинг асосий воқеаси эди.

15 март куни АҚШ касалликларни назорат қилиш ва профилактика марказлари (CДC) коронавирус туфайли кейинги саккиз ҳафта давомида мамлакат бўйлаб 50 дан ортиқ одам иштирок этадиган тадбирларни бекор қилиш ёки қолдирилиш бўйича тавсиялар билан чиқишди. Aйни пайтда ташкилотчилар турнир учун янги жойни қидирмоқдалар.