Топ-клублар “кушандаси” учун 100 миллион евро ажратилди

“Челси” таркибига кўп гол ура оладиган ҳужумчи қўшиб олишни режалаштирмоқда. Клуб скаутлари раҳбариятга швециялик форвард Александер Исаакни қўшишни тавсия қилмоқда.

Бу бежиз эмас, албатта. Клуб мутасаддилари 25 ёшли футболчининг статистикасини таҳлил қилиб, ажойиб кўрсаткичга дуч келди.

Александер 2022 йилнинг ёзида “Ньюкасл”га кўчиб келганидан бери Англия Премьер-лигаси топ-клубларининг “кушандаси”га айланди. Швед ҳужумчиси анъанавий тарзда чемпионлик ва Еврокубоклар йўлланмалари учун курашадиган етакчи жамоалар дарвозасига жами 14 та тўп киритган.

Хусусан, моҳир тўпурар “Челси”нинг ўзига тўртта гол урди. Бундан ташқари, “Манчестер Сити”га иккита, “Арсенал”га битта, “Ливерпуль”га учта ва “Тоттенхэм”га тўртта бор ожиз қолдирди.

Исакнинг трансфери учун “Челси” раҳбарияти 100 миллион евро тикишга қарор қилди. Унинг “қарғалар” билан шартномаси 2028 йилнинг 30 июнигача давом этиши белгиланган.