“Тўпчилар” тўрт футболчини нишонга олди

“Арсенал” ёзги трансферлдар мавсумида бир қатор харидларни амалга ошириб, таркибини сезиларли даражада кучайтириб олди. Бунда асосий эътибор ҳимояни кучайтирадиган футболчиларни олиш қаратилди. Натижада жамоага ҳимоячилар – Седрик Соареш, Пабло Мари, Габриэл ва Вильям Салиба, таянч ярим ҳимоячи Томас Парти ва дарвозабон Алекс Рунарссон таклиф этилди.

Энди Микель Артета ҳужумни кучайтиришни режалаштиряпти. Айни пайтда клуб техник директори Эду ҳужумчилар - “Зальцбург”дан Пэтсон Дака ва “Селтик”дан Одсонн Эдуар трансфери бўйича иш бошлади.

Креатив плеймейкер позициясига “Лион” вакили Уссем Ауар ва “Зальцбург”да порлай бошлаган Доминик Собослаининг номзоди ўрганилмоқда.