Торино ПСЖ ҳужумчисини қўлга кирита оладими?

Франциянинг ПСЖ клуби ҳужумчиси Эрик-Максим Шупо-Мотинг жорий мавсум якунига етганидан сўнг Италия «А» сериясига кўчиб ўтиши мумкин.

«Canal+» тарқатган хабарларда айтилишича, парижликлар билан амалдаги шартномаси июль ойи охирида ниҳоясига етадиган камерунлик 31 ёшли футболчини «Торино» клуби таркибга қўшиб олмоқчи.

Турин шаҳри жамоаси Шупо-Мотингга йиллик маоши 2 миллион еврога тенг бўлган 2 йиллик шартнома таклиф қилишга тайёр турибди. Жорий мавсум Шупо-Мотинг барча турнирлар доирасида 17 учрашувда иштирок этиб, 5 та гол урди ва шерикларига 1 марта ассистентлик вазифасини ўтаб берди.