Торрес қишда "Атлетико"дан кетмоқчи
Мадриднинг “Атлетико” клуби ҳужумчиси Фернандо Торрес яқинлашиб келаётган қишки трансферлар чоғида жамоадан кетишни режалаштирмоқда. Бу ҳақда Cadena Ser нашри хабар тарқатди.
Юқоридаги манбаанинг ёзишича 33 ёшли испаниялик футболчининг бундай қарорга келишига унинг “матрасчилар” сафида етарли ўйин амалиётига эга бўлмаётгани сабаб бўлмоқда. Торрес айни дамда Хитой ва АҚШ клубларидан бўлаётган таклифларни кўриб чиқмоқда.
Таъкидлаш лозимки, январдан бошлаб “Челси”дан қайтариб олинган Диего Коста ҳам таркибга қўшилади. Бу ҳолатда эса Торреснинг таркибга кириши янада қийинлашади.
Маълумот учун, Торрес жорий мавсум Ла Лиганинг жами 6та учрашувида (асосий таркибда1 марта) майдонга тушди. Унинг “Атлетико” билан амалдаги шартномаси эса 2018 йилнинг ёзида ўз ниҳоясига етади.
Фикрлар