Тўрт футболчи “Челси”дан кетмоқчи

Daily Express нашрининг таъкидлашича, қишки трансферлар даврида “Челси” таркибида жиддий ўзгаришлар бўлади.

Манбанинг таъкидлашича, ҳужумчи Армандо Броя, ҳужумкор футболчи Нони Мадуэке, ҳимоячи Ян Маатсен ва ярим ҳимоячи Дейвид Вашингтон трансфер ойнаси очилиши билан ўзига янги иш жойи топишга қарор қилган.

Албания терма жамоаси ўйинчиси Армандо Броя жароҳатлар туфайли ўзини кўрсата олмади. Истеъдодли футболчи 28 та учрашувда атиги иккита тўп киритди.

Чап қанот ҳимоячиси Ян Маатсен ички рақобатда Марк Кукурелья, Бен Чилуэлл ва Леви Колвиллга имкониятни бой беряпти.

ПСВдан 33 миллион еврога трансфер қилинган Нони Мадуэке мураббиклар штабида яхши таассурот қолдиргани йўқ.

18 ёшли Вашингтон эса, асосий таркибга киришига ҳали эрта экани айтилмоқда. Клуб бразилиялик футболчини қишда ижарага бериб юборади.