Toshkent-2025 yoshlar o‘rtasidagi Para Osiyo o‘yinlari muhokama qilindi

17-18 may kunlari Osiyo Paralimpiya qo‘mitasi Ijroqo‘mining 28-yig‘ilishi bo‘lib o‘tdi. Unda qit’a miqyosida o‘tkazilishi rejalashtirilgan bir qator sport musobaqalariga ko‘rilayotgan tayyorgarlik jarayoni haqida so‘z bordi.

Jumladan, Osiyo Paralimpiya qo‘mitasi vitse-prezidenti Muxtorxon Tashxodjaev 2025 yil Toshkentda bo‘lib o‘tadigan yoshlar o‘rtasidagi Para Osiyo o‘yinlari bo‘yicha olib borilayotgan ishlar yuzasidan taqdimot o‘tkazdi va bu borada kengash a’zolarini qiziqtirgan savollarga batafsil javob berdi.