Тошкент-2025 ёшлар ўртасидаги Пара Осиё ўйинлари муҳокама қилинди

17-18 май кунлари Осиё Паралимпия қўмитаси Ижроқўмининг 28-йиғилиши бўлиб ўтди. Унда қитъа миқёсида ўтказилиши режалаштирилган бир қатор спорт мусобақаларига кўрилаётган тайёргарлик жараёни ҳақида сўз борди.

Жумладан, Осиё Паралимпия қўмитаси вице-президенти Мухторхон Ташходжаев 2025 йил Тошкентда бўлиб ўтадиган ёшлар ўртасидаги Пара Осиё ўйинлари бўйича олиб борилаётган ишлар юзасидан тақдимот ўтказди ва бу борада кенгаш аъзоларини қизиқтирган саволларга батафсил жавоб берди.