Тошкентда бокс бўйича халқаро турнир ўтказилмоқда

Бугун, 6 январь куни Тошкент шаҳридаги Яккакураш спорт турларига ихтисослаштирилган болалар ва ўсмирлар спорт мактабида бокс бўйича халқаро хотира турнири старт олди.

Жисмоний тарбия ва спорт вазирлиги, Миллий олимпия қўмитас ва мамлакатимиз бокс федерацияси томонидан ташкил этилган турнирда чарм қўлқоп усталаримиздан ташқари Қозоғистон, Россия ва Тожикистондан келган 200 нафардан ортиқ боксчилар 15 вазн тоифасида рақобатлашмоқда.

Эслатиб ўтамиз, 2004-2005 йилларда таваллуд топган спортчилар ўртасида ўтаётган мазкур турнирнинг финал жанглари 10 январь куни ўтказилади.