Toshkentda MMA bo‘yicha turnir o‘tkaziladi

Buxoro shahri 25-27 sentyabr kunlari MMA bo‘yicha havaskorlar o‘rtasida O‘zbekiston Kubogiga mezbonlik qilgan edi. Endi navbat professional jangchilarga keldi. Yanada aniqroq qilib aytganda, 23-25 oktyabr kunlari Toshkent shahrida professionallar o‘rtasida turnir tashkil etiladi.  

Mazkur musobaqada yurtimizning barcha viloyatidan professional jangchilar ishtirok etadi. Albatta, ushbu turnir O‘zbekiston MMA assotsiatsiyasi sha’feligida o‘tkazilmoqda. Turnir haqida to‘liq ma’lumotlarni va janglar qanday qoidalar asosida o‘tishini tez orada ma’lum qilamiz. Voqealar rivojini bizda kuzatib boring!