Тошкентда поло бўйича Мустақиллик кубоги бошланди

Шу йил 3-5-сентябрь кунлари пойтахтимиздаги “Пахтакор” стадионининг захира майдонида поло бўйича “Мустақиллик кубоги-2021” мусобақаси ўтказилиши ҳақида Туризм ва спорт вазирлиги матбуот хизмати хабар берган эди.

Ўзбекистон Республикаси мустақиллигининг 30 йиллигига бағишлаб ташкил этилган ушбу мусобақада илк маротаба мамлакатимизнинг 8та поло жамоаси қатнашиш истагини билдирди.

Булар:

1. “O'zbekiston temir yoʻllari” AЖ поло клуби (Қашқадарё),

2. “Mega Sport” поло клуби,

3. “Jaloliddin” поло клуби,

4. “Milliy gvardiya” поло клуби,

5. “Universal jumping” поло клуби,

6. “NEST ONE Qorabayir” миллий бренди” поло клуби,

7. “Chegarachilar” поло клуби,

8. “Buxoro” поло клуби.

23-53-27-WIUT1009

Мусобақа Олимпия тизимида ташкил этилиб, қуръа ёрдамида жамоалар ўз рақибларини билиб олишди. Бироқ, чорак финал жуфтликларидан фақат биргина ўйинда мухлислар ҳақиқий қарама-қаршиликка гувоҳ бўлишди. Миллий гвардия ҳамда Жалолиддин поло клублари ўртасидаги ўйинда 13-12 ҳисобида гвардиячиларнинг қўли баланд келди. Қолган чорак финал ўйинлари у ёки бу томоннинг яққол устунлигида ўтди. Натижалар билан танишинг:

“O'zbekiston temir yoʻllari” AЖ (Қашқадарё) – “Mega Sport” – 14:0

“Universal Jumping” – “NEST ONE Qorabayir” миллий бренди” – 4:7

“Buxoro” – “Chegarachilar” – 1:9

Эртага бўладиган ярим финал баҳсларида “O'zbekiston temir yoʻllari” AЖ – "Milliy gvardiya" ҳамда “NEST ONE Qorabayir” миллий бренди” – “Chegarachilar” поло жамоалари ўзаро тўқнаш келишади.

23-53-35-WIUT1051

Мусобақанинг тантанали очилиш маросими ҳамда қорабайир зотига мансуб отлар фестивали 4-сентябрь куни соат 11:00да бошланади.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию