Тошкентда профессионал кикбоксинг кечаси ташкил этилади!

3 июль куни Тошкент шаҳрида профессионал кикбоксинг кечаси бўлиб ўтади. 

Яъни, "Uzbekistan Open-2" турнири ташкил этилади.  Мазкур жанг оқшомида юртимизнинг энг кўзга кўринган кикбоксингчиларига қарши хориждан юқори даражадаги рақиблар рингга кўтарилади. 

Жумладан, 101 кг вазн тоифасида Ҳусан Баратов туркиялик Мехмет Озерга,-91 кг вазнда Мурод Азимов хорватилик Иван Бертичга,  -76 кгда Тимур Холматов мисрлик Абдуллоҳ Мандога,  -55 кгда Гулжаҳон Норматова эса Украина ваеиласи Мария Белкинага қарши жанг қилади. 

Ушбу кикбоксинг кечаси "Юнусобод" спорт мажмуасида бўлиб ўтади. Шу ўринда мазкур муҳим жангларда юртдошларимизга омад ёр бўлишини тилаб қоламиз!