Тошкентдаги бокс оқшомининг навбатдаги жанги муддатидан аввал якунланди

Ўзбекистон профессионал бокс федерацияси ҳамда SAFPRO промоутерлик компанияси ҳамкорлигида ташкил этилган ўзига хос бокс кечаси давом этмоқда. 

Жанг кечасидан ўрин олган учинчи тўқнашув 69,9 кг вазн тоифасида ўтказилди. мазкур қарама-қаршиликда яна икки юртдошимиз Ҳожиакбар Қодирохунов ҳамда Азизбек Маҳмудов тўқнаш келди. 

6 раундлик қилиб белгиланган ушбу баҳс ҳам мухлисларни бефарқ қолдирмади. Чунки биринчи раунднинг 10-сониясидаёқ Маҳмудов нокдаун ҳолатига тушиб қолди ва тезда ўзини ўнглаб олди.

Бироқ бу нокдаун барибир ўз таъсирини ўтказди ва учинчи раунд якунланганидан сўнг, Маҳмудовнинг мураббийлари тўртинчи раундга чиқмаслик борасида қарор қабул қилди. Шу тариқа Ҳожиакбар Қодирохунов навбатдаги ғалабасини қўлга киритди. 

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар