"Тоттенхэм" А Серия етакчисидан дарвозабон олди

"Аталанта" клуби дарвозабони Пьерлуижи Голлини янги мавсумни Англия премьер-лигасида ўтказадиган бўлди.

"Тоттенхэм" 26 ёшли италиялик посбонни мавсум сўнггига қадар ижарага олган. Бу ҳақда клуб расмий сайти хабар тарқатмоқда.

Томонлар ўртасидаги келишувга кўра, “шпорлар” ижара муддати якунлангач Голлинини 15 миллион евро эвазига тўлиқ сотиб олиш ҳуқуқига эга.

Пьерлуижи Голлини "Аталанта" сафида 2018 йилдан буён ўйнаб келмоқда. У ўтган мавсум 32 та ўйинда иштирок этди ва ўз дарвозасидан 33 та гол ўтказиб юборди.