“Тоттенхэм” “Барселона” футболчисини тезроқ қўлга киритмоқчи

Лондоннинг "Тоттенхэм" клуби "Барселона" ҳимоячиси Клеман Ланглени имкон қадар тезроқ ўз сафига қўшиб олишни истамоқда. Журналист Фабрицио Романонинг хабарига кўра, "шпорлар" яқин вақт ичида келишувни якунлаш ниятида.

Аввалроқ, “Тоттенхэм” Ленгле билан шартнома шартлари бўйича келишувга эришгани хабар қилинган эди, энди “шпорлар” “Барселона” билан трансфер суммаси бўйича бир тўхтамга келиб олишгали талаб қилинади: тўлиқ трансфер ёки ижара.

Клеманнинг “кўк-анорранглилар” билан шартномаси 2026 йилнинг ёзига қадар амал қилади. “Тransfermarkt” портали унинг нархини 12 миллион еврога баҳолаган.

Якунига етган мавсум Лангле "Барселона"нинг Ла Лига доирасидаги 21 ўйинида майдонга тушиб, битта голли узатмага муаллифлик қилган.