"Тоттенхэм" Бэйл эвазига "Реал"га Эриксенни таклиф қилди

"Реал" ва "Тоттенхэм" қишки трансферлар даврида ўзаро йирик трансферларни амалга ошириши мумкин.

El Desmarque нашри тарқатган хабарга кўра "шпорлар" уэльслик вингер Гарет Бэйл эвазига қироллик клубига Кристиан Эриксен ва 30 миллион евро таклиф қилишган.

Эслатиб ўтамиз, Бэйл учун “Тоттенхэм” бегона эмас. Боиси, у 2007-2013 йилларда ушбу жамоа шарафини ҳимоя қилган.

Маълумот учун, 27 ёшли Эриксен жорий мавсум 21 та ўйинда майдонга тушди ва 2 та гол ҳамда 3 та голли узатмага муаллифлик қилди. Унинг трансфер нархи 90 млн еврога баҳоланмоқда.

30 ёшли Бэйл эса 13 та ўйинда иштирок этиб, ўз ҳисобига 2 та гол ҳамда 2 та голли узатма ёздириб қўйишга эришди. Унинг трансфер нархи 40 млн еврога баҳоланмоқда.