"Тоттенхэм" Эриксенга "Атлетико"дан ўринбосар топди

Лондоннинг "Тоттенхэм" клуби жамоадан кетиши кутилаётган ярим ҳимоячи Кристиан Эриксен ўрнига муносиб номзод қидирмоқда.

AS нашри тарқатган хабарга “шпорлар” бу борада “Атлетико” хавбеки Тома Лемарни олиб келишни кўзламоқда. Унга эса шунингдек "Арсенал" ва "Лион" ҳам харидор.

Таъкидлаш керакки “Тоттенхэм” Лемарни жорий қишки трансферлар даврида сотиб олишмоқчи. Ўз навбатида “матрасчилар” ҳам уни сотишга тайёр.

Маълумот учун, Лемар “Атлетико” сафида 2018 йилдан буён тўп суриб келмоқда. У ўтган давр мобайнида 64 та ўйинда майдонга тушди ва 3 та гол ҳамда 6 та голли узатмага муаллифлик қилди. Унинг трансфер нархи 30 млн еврога баҳоланмоқда.