"Тоттенхэм" Эриксенга "Барселона"дан ўринбосар топди

"Тоттенхэм" клуби раҳбарияти ҳамон жамоадан кетиши кутилаётган даниялик ярим ҳимоячи Кристиан Эриксен ўрнига муносиб номзод қидирмоқда.

Mundo Deportivo нашрининг ёзишича “шпорлар” бу борада “Барселона” хавбеки Карлес Аленьяни кўз остиларига олиб қўйишди. Айтиш лозимки, 21 ёшли испаниялик футболчининг трансферига шахсан "Тоттенхэм" устози Маурисио Почеттино розилик билдирган.

Маълумот учун, Эриксеннинг лондонликлар билан амалдаги шартномаси жорий мавсум якунида ўз ниҳоясига етади. Унга ҳозирда “Реал”, “Ювентус”, ПСЖ ва “Бавария” каби жамоалардан қизиқишлар мавжуд.

Аленья эса бу мавсум “Барса” сафида бор йўғи 1 та ўйинда майдонга тушди. Унинг трансфер нархи 30 млн еврога баҳоланмоқда.