"Тоттенхэм" етакчиларидан бири АПЛнинг илк турини ўтказиб юборади

"Тоттенхэм" клуби ярим ҳимоячиси Деле Алли премьер-лиганинг янги мавсум илк турини ўтказиб юборади.

Sky Sports нашри тарқатган хабарга кўра 23 ёшли англиялик футболчининг орқа сон қисмида кичик жароҳат аниқланган. Шифокорларнинг айтишича унинг соғайиши учун 2 ҳафта муддат талаб этилади.

Эслатиб ўтамиз, “Тоттенхэм” АПЛнинг илк турини 10 август куни “Астон Вилла”га қарши ўтказади.

Маълумот учун, Алли ўтган мавсум “шпорлар” сафида 38та ўйинда майдонга тушиб, ўз ҳисобига 7та гол ҳамда 8та голли узатма ёздириб қўйишга эришди.