"Тоттенхэм" футболчиси "Бешиктош" билан шартнома имзолади

Туркиянинг "Бешиктош" клуби ўзининг расмий сайтида "Тоттенхэм" вингери Жорж-Кевин Нкуду билан шартнома имзолаганини эълон қилди.

Унга кўра 24 ёшли франциялик футболчининг трансфери истанбулликларга 4 млн еврога тушган. Томонлар ўзаро 2023 йилга қадар шартнома имзолашган.

Маълумот учун, Нкуду “Тоттенхэм” сафида 2016 йилдан буён тўп суриб келаётган эди. Бироқ, орада “Бёрнли” ва “Монако” клубларига ижарага бериб юборилди.