"Тоттенхэм" ҳужумчиси учун 4 та клуб кураш олиб бормоқда

Лондоннинг "Тоттенхэм" клуби ҳужумичи Фернандо Льоренте мавсум якунлангач жамоасини ўзгартиради. Бу ҳақда Daily Mail нашри хабар тарқатмоқда.

Таъкидлаш керакки, 34 ёшли испаниялик футболчининг “шпорлар” билан имзолаган амалдаги шартномаси ёзда ўз ниҳоясига етади ва у эркин агент сифатида истаган жамоасига бориб қўшилиши мумкин. Унга эса айни дамда "Милан", "Рома", "Валенсия" ва "Марсель" каби жамоалардан қизиқишлар мавжуд.

Маълумот учун, Льоренте “Тоттенхэм” сафида 2017 йилдан буён тўп суриб келмоқда. У ўтган давр мобайнида лондонликлар сафида 65та учрашувда майдонга тушди ва 13та гол ҳамда 6та голли узатмага муаллифлик қилди.