"Тоттенхэм" ўз тарихидаги энг қиммат трансферни амалга ошириши мумкин

Аввал хабар берганимиздек "Тоттенхэм" ёзда "Фиорентина" ярим ҳимоячиси Федерико Кьезани сотиб олишни режалаштирмоқда.

Daily Mail нашри тарқатган хабарга кўра “шпорлар” 21 ёшли италиялик футболчи учун “бинафшаранглилар”га нақд 78 млн евро таклиф қилишмоқчи. Эътиборлиси, агар ушбу трансфер амалга ошса, бу “Тоттенхэм” тарихидаги энг қиммат трансфер бўлади.

Таъкидлаш керакки Кьезани шахсан жамоа бош мураббийи Маурисио Почеттино “Тоттенхэм” сафида кўрмоқчи.

Маълумот учун, Федерико Кьеза жорий мавсум “Фиорентина” сафида жами 30та ўйинда майдонга тушди ва ўз ҳисобига 11та гол ҳамда 8та гол ёздириб қўйишга эришди. Унинг клуб билан тузилган амалдаги шартномаси 2022 йилга қадар имзоланган.

Фикрлар

Фикр қолдириш учун авторизациядан ўтинг!