«Тоттенҳэм» Педро Порро билан шартномани узайтирди

"Тоттенҳэм" клуби испаниялик ҳимоячи Педро Порро билан шартномани узайтирганини расман эълон қилди. Янги келишув 2031 йилгача мўлжалланган бўлиб, яна бир мавсумга узайтириш имкониятини ҳам ўз ичига олади.

Маълумотларга кўра, бу шартнома 24 ёшли футболчини лондонликлар таркибидаги энг кўп маош оладиган ўйинчилар қаторига қўшади.

Порро 2023 йил январь ойида "Спортинг" клубидан "шпорлар" сафига аввал ижара асосида келган эди. Шундан бери у жамоа таркибида 150 дан ортиқ ўйин ўтказишга улгурди. Transfermarkt портали баҳосига кўра, ҳимоячининг бозор қиймати 45 миллион еврони ташкил этади.