"Tottenxem" penaltilar seriyasida imkoniyatni boy berdi

Angliya kubogining 1/8 final bosqichida "Tottenxem" o‘z maydonida "Norvich" klubini qabul qilib, 1:1 hisobida durang o‘ynadi va uchrashuvdan keyingi penaltilar seriyasida 2:3 hisobida yutqazib qo‘ydi.

Bellashuvning 13-daqiqasida Yan Vertongen mezbonlarni hisobda oldinga olib chiqqan bo‘lsa, Yosip Drmich o‘yinning 78-daqiqasida hisobni tenglashtirdi va bahs davomida boshqa gol bo‘lmadi.

Qo‘shimcha bo‘limlarda ham darvozalar boshqa ishg‘ol etilmadi va penaltilar seriyasi orqali g‘alabani qo‘ga kiritgan "Norvich" klubi chorak final yo‘llanmasini qo‘lga kiritdi.