"Tottenxem" tarbiyalanuvchisi baxtsiz hodisa qurboni bo‘ldi

AQShning “Sharlott” klubi himoyachisi Anton Uoks vafot etdi. Bu haqda klub rasmiy sayti xabar tarqatmoqda.

Manbaga ko‘ra, 25 yoshli futbolchi 19 yanvar kuni ertalab Janubiy Floridadagi baxtsiz hodisada vafot etgan.

“Biz chinakam aql bovar qilmaydigan ota, mehribon va ajoyib inson bo‘lgan Anton Uoksni yo‘qotganimizdan afsusdamiz. Anton “Sharlott” klubining bir qismi va shu sababli butun jamoamiz bu fojiadan chuqur qayg‘uda. Biz uning oilasi haqida o‘ylaymiz va ularni har tomonlama qo‘llab-quvvatlaymiz”, - dedi klub sport direktori Zoran Krneta.

Futbolchining o‘limiga suvdagi baxtsiz hodisa sabab bo‘lgan. Uning jasadi Mayami yaqinida ikkita qayiqning halokatidan keyin topilgan.

Ma’lumot uchun, Uoks “Tottenxem” akademiyasi tarbiyalanuvchisi hisoblanadi. U “Sharlott”ga o‘tishdan oldin “Portsmut” va “Atlanta Yunayted” klublarida o‘ynagan.