"Тоттенхэм" яна бир етакчисидан узоқ муддатга айрилди
“Тоттенхэм” клуби форварди Сон Хин Мин АПЛнинг 26-турида “Астон Вилла”га қарши ўйинда жароҳат олди.
Лондонликлар расмий сайти тарқатган хабарга кўра 27 ёшли кореялик футболчи шу куни ўнг қўлини синдириб олган. Шу сабаб у жорий ҳафта жарроҳлик амалиётини бошдан кечиради.
The Athletic нашри тарқатган хабарга кўра Сон тахминан 6-8 ҳафта майдонга тушолмайди.
Эслатиб ўтамиз, бундан аввалроқ “шпорлар”нинг бошқа бир етакчиси Харри Кейн ҳам операция қилинган эди. У тахминан апрелда сафга қайтиши мумкин.
Маълумот учун, Сон жорий мавсум “Тоттенхэм” сафида 28 та ўйинда майдонга тушди ва ўз ҳисобига 14 та гол ҳамда 7 та голли узатма ёздириб қўйишга эришди.
Фикрлар