“Тоттенхэм”да исён. Фанатлар жумбушга келди!

“Тоттенхэм”да норозилик кайфияти ортиб бормоқда. Клуб мухлислари гуруҳи аъзоларининг аксарияти ижро кенгашининг истеъфога кетишини талаб қилмоқда.

Норозиликларнинг келиб чиқишига “Тоттенхэм” раҳбариятининг Европа Суперлигасининг ташкил этилишига бош қўшгани сабаб бўлди.

- Биз “Тоттенхэм Хотспур” клубининг ижро кенгашининг дарҳол истеъфо беришини талаб қиламиз. Клуб хўжайинлари янги кенгашни тузишда биз билан маслаҳатлашсин ва кенгашга биздан вакил киритилсин. Бу расмий талаб ва биз бу ҳақда клуб бошқарувини огоҳлантирганмиз.

Клуб раҳбариятининг асосий масъулияти жамоа манфаатларини инобатга олган ҳолда фаолият юритишдан иборат бўлиши керак. Ҳозирги ижро кенгаши жамоага қарши ишлаяпти. Шу кетишда клубга бўлган ишонч умуман сўнади. Ҳозир клуб раҳбариятининг мухлислар билан муносабати бузилган. Ижро кенгашининг истеъфога чиқарилиши вазиятни ўнглашдаги биринчи қадам бўлади, - дейилади “Тоттенхэм” мухлислари гуруҳи баёнотида.

Аввалроқ, клуб раҳбарияти бош мураббий Жозе Моуриньони истеъфога чиқарган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар