“Tottenxem”ga bosh ko‘targan Keynga yangi taklif beriladi

“Manchester Siti” rahbariyati Harri Keyn transferi bo‘yicha “Tottenxem”ga 100 million funt taklif qilib, rad javobini olgandi.

Keyinroq, londonliklar to‘purari agar klub rahbariyati uni qo‘yib yubormasa, mashg‘ulotlarga qatnashmasligini bildirgani haqida ma’lumotlar tarqatildi.

Ayni paytda “shaharliklar” “Tottenxem”ga to‘purar transferi bo‘yicha yangi taklif tayyorlamoqda. Biroq, hozircha Gvardiola jamoasi bu galgi summani sir tutyapti.

Harri Keyn o‘tgan mavsumda Angliya premer-ligasida 35 ta uchrashuvda maydonga tushib, raqiblar darvozasini 23 marotaba ishg‘ol qildi va 14 marta golli pas oshirdi.