"Тоттенхэм"га қарши ўйинда "қовун" туширган дарвозабон ижарага бериладими?

Нуфузли инсайдер Фабрицио Романо дарвозабон Жеймс Траффорд "Манчестер Сити"дан "Бешиктош"га ижара асосида ўтиши мумкинлиги ҳақидаги хабарга муносабат билдирди. Романо ижтимоий тармоқларда маълумотлар ҳақиқатга тўғри келмаслиги ҳақида ёзган.

"Ҳеч қандай музокара, ҳеч қандай муҳокама, ҳеч қандай имконият йўқ. "Манчестер Сити" Доннаруммани ўз сафига қўшиб олган тақдирда ҳам, "Манчестер Сити"нинг режаларига "Траффорд" тўлиқ киради", - деб ёзади Романо.

Премьер-лиганинг ўтган турида "Тоттенхэм"га қарши ўйинда Жеймс Траффорд қўпол хатога йўл қўйди ва "Манчестер Сити" гол ўтказиб юборди. "Шаҳарликлар" 0:2 ҳисобида ютқазди.