"Тоттенхэм"нинг собиқ ҳужумчисига А Сериянинг 2 та клуби даъвогарлик қилмоқда

Жорий ёз “Тоттенхэм” билан шартномаси якунланган ҳужумчи Фернандо Льоренте фаолиятини Италия А Сериясида давом эттириши мумкин.

Il Messaggero нашри тарқатган хабарга кўра 34 ёшли испаниялик футболчига “Лацио” ва “Фиорентина” клублари қизиқиш билдиришмоқда. Римликлар Льорентени яна бир йилдан сўнг шартномаси якунланадиган ҳужумчи Фелипе Кайседога ўринбосар сифатида қарашмоқда. Бироқ, бу борадаги якуний қарорни клуб раҳбарияти қабул қилади.

Айтиш керакки, Льоренте учун А Серия бегона эмас. У ўз вақтида Туриннинг "Ювентус" клубида бир неча мавсум муваффақиятли тўп сурган.

Эслатиб ўтамиз, Льоренте айни дамда эркин агент ҳисобланади. У ўтган мавсум премьер-лигада 19та ўйинда майдонга тушди ва 1та гол ҳамда 1та голли узатма ёздириб қўйишга эришди.