Триппьер бу ёз АПЛга қайтмайди

Англиялик ҳимоячи Киран Триппьер бу ёз Англия премьер лигасига қайтмаслиги мумкин. AS нашри хабарига кўра, "Атлетико" раҳбарияти бу ёз у билан хайрлашиш фикридан қайтган.

Аввалроқ, Лондоннинг "Арсенал" ва "Манчестер Юнайтед" клубларидан Киранга қизиқиш борлиги маълум бўлган эди. Вақт ўтиши билан "қизил иблислар" футболчи учун курашдан воз кечишди.

"Канонирлар" эса унинг трансфери учун 40 миллион евро таклиф қилишди. Бу таклиф "матрасчилар"ни қаноатлантирмади. Мадрид гранди Триппьерни камида 60 млн еврога сотишни режа қилган эди. "Атлетико" ҳозирча ҳеч қандай янги таклиф олмаган.

Кираннинг Испания чемпиони билан имзолаган амалдаги келишуви 2023 йилнинг ёзида ўз ниҳоясига етади.