ЦСКА июль-август ойларининг энг яхши футболчиларини эълон қилди

ЦСКА матбуот хизмати июль-август ойлари натижаларига кўра жамоанинг икки энг яхши футболчисини аниқлади. Улар ҳимоячи Игор Дивеев ва ярим ҳимоячи Иван Обляков бўлди.

 “Кўпчилик мухлислар Игорга овоз беришди, машҳур мухлисларимиз ва ОАВ вакиллари эса Иванга овоз беришди”, — деб ёзилган Москва клубининг телеграм каналида.

Етти турдан сўнг ЦСКА Россия Премьер-лигаси турнир жадвалида бешинчи ўринни эгаллаб турибди. Легионеримиз Аббосбек Файзуллаевнинг жамоаси пешқадам “Зенит”дан 4 очко ортда қолмоқда.

Клуб кейинги турни айнан “Зенит”га қарши ўтказади. Учрашув 14-сентябрда бўлиб ўтади.