ЦСКАга нега таъқиқ қўйилди? Бунда АПЛ клубининг қандай алоқаси бор

ЦСКА коммуникациялар дироктори Кирилл Брейдо ФИФАнинг Москва клубига қўйган таъқиқи ҳақида гапирди. Брейдони сўзларига кўра, санкцияга Чидери Эджуканинг трансфери сабаб бўлган.

Олдинроқ, ЦСКА Эджуке учун пул тўлашга рози, бироқ клуб биринчи навбатда, Никола Влашич трансфери учун “Вест Хэм”дан пул олишни  мақсад қилган эди.

"ФИФАнинг бундай қароридан кейин биз "Вест Хэм" билан бўлган ишимизда бошқача натижа кутмаяпмиз. Улар бизга тахминан 20 миллион қарз. Агар биз тўламасак ва жазо олсак, адолатли бўлиш учун худди шундай жазо "Вест Хэм"га ҳам қўлланиши керак", – деб ёзди Брейдо "Телеграм"да.

ЦСКА вакили "Херенвен" ва "Вест Хэм"га ҳисоб-китоб қилишнинг турли вариантларини таклиф қилганини таъкидлади. Масалан, инглиз клуби ЦСКАнинг қарзининг бир қисмини "Херенвен"га тўлаши мумкин эди. Аммо "Вест Хэм" буни рад этган ва ўзини санкциялар рўйхатига асосланиб оқлаган.  

"Биз Влашич иши бўйича ФИФА ва CASдан адолатли қарор чиқиши учун ҳаракат қилишда давом этяпмиз", – деб ёзди Брейдо.  

Шунингдек, Брейдо қишки трансфер ойнаси очилгунга қадар ЦСКАга қўйилган тақиқ олиб ташланишини ва масалага ечим топилишини таъкидлади.