ЦСКАнинг собиқ футболчиси Файзуллаевдан камчилик топди

ЦСКАнинг собиқ ҳимоячиси Сергей Колотовкин Ўзбекистонда 2024 йилнинг энг яхши футболчиси деб топилган "армиячилар" ярим ҳимоячиси Аббосбек Файзуллаевнинг ўйини ҳақида фикр билдирди. 

- ЦСКА таркибида йилнинг ёрқин кашфиёти сифатида бир кишини айта олмайман. Масалан, "Локомотив"да Батраков - ҳақиқатан ҳам кашфиёт. "Зенит"да эса Глушенков жароҳатга қадар дастлабки турларда жуда ёрқин ўйин кўрсатди. ЦСКАда менга ёққанлардан Аббосни айтишим мумкин. У қизиқарли йигитча, катта салоҳиятга эга. Бироқ, ҳозирча унга нимадир етишмаяпти. Кўрамиз, одамлар улғайган сари кучлироқ бўлади, - деди Колотовкин.

Маълумот учун, РПЛнинг жорий мавсумида 21 ёшли Файзуллаев ЦСКА сафида 16 та ўйин ўтказиб, иккита гол урди ва учта голли узатмани амалга оширди. Шунингдек, у Россия кубоги доирасида еттита ўйин ўтказиб, битта гол урган.