"Turkish Open"да қатнашадиган таэквондочилар эртага Туркияга учиб кетишади

3 февраль куни Туркиянинг Истанбул шаҳрида таэквондо бўйича анъанавий "Turkish Open" мусобақаси бўлиб ўтиши ҳақида хабар берган эдик.

Эртага, 1 февраль куни соат тонгги 7:40да терма жамоамиз делегацияси HY271 Тошкент-Истанбул рейси билан Туркияга учиб кетади.

"Turkish Open" мусобақасида юртимиз шарафини ҳимоя қиладиган таэквондочилар рўйхати:

-58 кг - Улуғбек Рашитов

-68 кг - Жасурбек Жайсунов

-74 кг - Хожиакбар Зокиров

-80 кг - Никита Рафалович

+87 кг - Дмитрий Шокин

-49 кг - Мадинабону Маннопова

+73 кг - Светлана Осипова

Маълумот учун, Ўзбекистон терма жамоаси 2014-2019 йиллар давомида "Turkish Open" мусобақасида жами 14 та олтин, 7 та кумуш ва 10 та бронза, жами 31та медални қўлга киритган.

Манба: Ўзбекистон таэквондо WT ассоциацияси матбуот хизмати