Туркия футболи афсонаси фаолиятини якунлади

Туркиялик машҳур футболчи Эмре Белезоглу бутсаларини михга илишга қарор қилди.

Тажрибали ярим ҳимоячи 39 ёшида футболчилик фаолиятини тугатди. У ўз вақтида "Галатасарой", "Интер", "Ньюкасл", "Фенербахче", "Атлетико" ва "Истанбул" клубларида тўп сурган.

Эмре Туркия терма жамоасида 101 та ўйинда майдонга тушиб, ўз ҳисобига 9 та гол ёздириб қўйишга эришган. У “ЖЧ-2002”да терма жамоаси билан бронза медалларини қўлга киритган.