Turkiya futboli afsonasi faoliyatini yakunladi

Turkiyalik mashhur futbolchi Emre Belezoglu butsalarini mixga ilishga qaror qildi.

Tajribali yarim himoyachi 39 yoshida futbolchilik faoliyatini tugatdi. U o‘z vaqtida "Galatasaroy", "Inter", "Nyukasl", "Fenerbaxche", "Atletiko" va "Istanbul" klublarida to‘p surgan.

Emre Turkiya terma jamoasida 101 ta o‘yinda maydonga tushib, o‘z hisobiga 9 ta gol yozdirib qo‘yishga erishgan. U “JCh-2002”da terma jamoasi bilan bronza medallarini qo‘lga kiritgan.